Deputat Elmira Axundova çayxannku noroziey. Mande çe əy ıştəni 5 mərtəbəynə çayxonəş heste.

“Imruj dionədə merd xəyləğon iyən cıvonon veyni ruj çayxononədə dəvardə. Imi həmə çok zındəmon ki, qirəm vıronədə fərhənqi ovc kardə roton eğandon, əv vıron bə dərhəl vardə bıbun, bəvədə həmonə odəmon ıştə rujon çayxononədə dənıbavardoniyen. Çayxonon ımruj çe əvon sər sıxan kardə , no – peqət kardə vıronin. Az jıqo famedəm, ım jıqo sərost ni. Əmə bəpe sərisofə şəhərvandon perosnəmon. Çəmə dəvləti, çəmə xəlği ovcbemoniro , çe əvon səvodin beyro bəpe bəpe ko bıkəmon. Bə çəyro vıronədə fərhənqvonəti fayə rost kardero çı jıqo vıron rost karde həzo – həlbəte. De çayxonon ve ro şey əbıni”- Im sıxanon Elmira Axundova votəşe.

Əy həmən çayxononış ənəfərhənqinə vırə beyış votə. Ve pape bıə ko ıme ki, Elmira Axundova məvotbənən ıştəni 5 mərtəbəynə çayxonəş hestışebən. Elmira Axundova zoə Həbib Axundovi “Gənclik”- də 5 mərtəbəynə çayxonə bey bə dim beşə.Im çayxonən əy de ıştə moə deputat Elmira Axundova hım – hımi onəşe. Elmira Axundova ıştən Masali rayoni Məlobə divoje. Detobə ımrujnə ruji bıriyə anqıştəsə xok enıkardə ım deputat – xanım ıştə qəvisə oməyon votedə. Bəyku parse lazime, əv əyo Milli Məclisədə bo çiçi nıştə, çe əy ko çiçe? Jıqo – jıqo koon.

TolishMedia.