Tolışstoni mərənqoədə qılə çokə rot heste. Im 6 mərtəbəynə rot de Avropa standarton ejənəşone. Tolışstoni paytaxt Lankonədə ım CTV nomədə vindəsədo mərənqo sovı tolışə zıvoni har zıvonədə bərnomon doydə. Bı vindəsədo Lankon, Masal, Lik, Ostoro, Vərqədiz, Həmoşəru (Cəlilabad) Biləsıvo, Səlyon, Natəçolədə diə karde bedə.

Çe Tolışə zəmini, tolışə reqionu vindəsədo bo çiçi tolışə zıvonədə detobə ısətnə ruji iqlə sıxanan ovəynədə votedəni? 2007 – nə sori, çı vindəsədo ojkardərujiku detobə ımrujnə ruji ım CTV ( Cənub tv ?) jıqo bızın bə ıştə qəvış pışt səşe. Dınyo hiç qılə vırədə jıqo çi bey əzıni ki, reqioni vindəsədo co zıvonədə bıjəno. Oxo reqioni vindəsədo ya dadio iminə nubədə bəpe iyo jiyə bınəniyə milləti zıvonədə qəp bıjəno.

Əve Tolışstoni əjiyon bı vindəsədo CTV ne bəy Cır Tv votedən. Mılxəs cır şey, kas oməy. Tolışi nom tolışi kədə ğədəğə jintonoy. Bı jıqo çi hiç qılə millət petove əzıni, mande tolış petovedə. Xıdo bə çəmə xəmilləti həni petove hol nıdo. Əmə bəyştəmon ım kujon ıştə zəmino bıtojnəmon. Bəvədə Cır tv yən bə Tolışstoni tv pebəqordonomon Xıdoi rozi.

Lankon.

Sərdor Bunyadov