Lankoni Diqo nomədə diədə odəmon ovdomononədə hırdə molon noxəşişon pəydo kardə. Çe pəson nanqıron dıroz bedən çəyo pıxedən, ımən bə çəvon marde omedə bekardə. Həyvonon exıs qınidən, se – ço ruj mandə həyvonon tələf bedən. Jıqo qılə ovdomoni xıvand İxtiyar Qasımov votedə: 4 sori dılədə damədə ım noxəşi çe əy 150 qılə pəsədə 23 qıləş haştə.

Baytarə pezışkon bı barədə çanəndə ko bardəşone, mande hiç qılə foydəş ni. Hırdə mol – mələ jıqo ivoədə ğır bey vey norohətəti vardə koy. Im noxəşi bə ovdomoni yolə həyvononən ovaşte xətoş heste. Lankoni Baytarəti Pezışkon Mərənqo bı barədə ko barde sıxanışon doə. Çı noxəşi nomi parseyədə, Lankoni sər baytara pezışk Əzizağa İskəndərovi bo cəvob doy saxtətiş kəşə.

Əy votəşe bəpe bı barədə nığılə analiz bardə bıbu, az ısət hiç çi vote əzınim. Im qılə nuə noxəşiey çe əmə reqionədə bə xosiyən Lankonədə pəydo bıə. Mande iyo infeksiya noxəşiku sıxan şey əzıni, nanqıri pıxe mikrobakterioz noxşi bey bıəzıne. Jıqo noxəşi vəy səyro bə əmə hiç qılə peyvənd kardero vaksina doə bedəni.

Lankonədə həvosət vey rutibətin beyro jıqo hırdə mol – məlonədə nanqıri noxəşi bedə. Jıqo həyvononən nanqıri pıxe holədə bəsə poysə mande zındənin, exıs qınidən çəyoən bə se – ço ruj mardən. Jıqo noxəşinə həyvonon çe baytarə pezışkon çəşənəvo jintonon, əmə əvoni çok bakamon, ziyodəş kardəşe əy.

Çiç votedəmoin ki, çe əvon sıxan bə Xıdo quşi bııqıno. Sıxanədə həmə uston. Oxo çoknəy bedəbu- bıbu çı keşvəri nom Ozobicone !

Lankon – Diqo.

Sərdor Bunyadov.