Huğuğə mıdofiə təşkilot Freedom House çand gılə kişvəronədə, ə cumlədə Ozobiconədə bə jurnaliston mınosibətədə təzyığon iyən təğibon fakton məhkum kardəşe.

Çı təşkiloti Varşava şəhərədə pevılo kardə bəyonotədə votə bedə ki, ım kişvəronədə bə jurnaliston mınosibətədə bıə təğibon bə orəx rəsedə nin, xısusən milliə kamiyon iyən Ozobiconədə jiə bumiə milləton nımoyəndəon ki dovlətiku ıştə həxon iyən ozodion təmin karde tələb kardedən təğib kardə bedən. Sıvoy çımi mətbuoti koəkəon ki, ım problemon həxədə nıvıştedən iyən gəp jedən, təzyığ kardə bedən.

Ozobiconədə Xədicə İsmayılova ki, hukməti rışvəxorəti fakton tədğığ kardəşe, detobə ısət təzyığ iyən təğib kardə bedə. Oxşiyə kampaniyə Amerikədə jiə jurnalist Sevinc Osmangızı iyən realliq.info sayti redaktor İkram Rəhimovi əleyh dəvoniə bıəbe.

TolishMedia