Cəlilabadi (Həmoşəru) Soylu nomədə di zinə ney, pəynə ıştə cıvonə  fərzəndonədə qıləyış bə zəmini aspardışe. Huseynov Sənan Afəti zoə Akstafadə Ozobiconi ləşkəri mandə sərbozxonədə mardə. Bə Huseynov Sənani pıə – moə çe əy marde kaşi barədə hiçişon votəni. Imsornə sori oktyabırə manqi 1- də çe Huseynov Sənani 1 sor sərbozəti vaxt təmom bedəbe.

Sənan nə Xərəboğədə mardə nəən qılə co ləşkərəvonəti canqi eqıniyə vırədə. Bo çiçi bəpe səğıçilə əğıl Akstafadə aşişəti holədə bımardo?! Bı barədə bə Ozobiconi Qərdənikəşə Vəzirəti çiyo ovardəmon. Bo çiçi bəpe tolışon Ozobiconi ləşkərədə sərbozəti karde holədə həm canqi məydonədə həmən qırd qılə aşişə sərbozxonədə bımardon? İqlə bəçəyro ki, əvon tolışin? Çe əmə bə ləşkərəvonəti sunonən vey parsımon heste? Sənan Huseynov ki kıştəşe əv bəpe ıştə cəzo bıstəno.

Əmə ıştə tono lm koy jıqo nibahaştemon. Sovı bı mardi çe əmə tolışə baləliyon co vıronədən fotışon kardə, kıştəşone. Naxçıvan bo tolışon bə Əzrayil peqardə. Ponə sori çe Naxçıvano çe əmə əğılon çand nəfəri mard oməy. Xosə tolışon əmə detobə bə vaxti ruj əvindınimon binim çı ənəcəron koroği jintono beşimon. Co ro ni.

Xıdo bı roədə bə əmə koməq bıbu!

TolishMedia