Natəçolədə de se xonəxo marde holi roy ğəziyə qıniyə.  Natəçolə – Xol Qaraqaşlı pıştəroy həndəvərədə roy ğəziyə səkıştədə, çı Xol Qaraqaşlı di əji 1983 – nə sori moəmo bıə Həşimov Habil Əbulfəzli zoə romə Mercedes markəynə maşin de Boku şəhəri əji 1961 nə sori moəmo bıə Xankişiyev Xanlar Ayazi zoə romə Leksus markaynə avtomobilon ğappağap omey səkıştədə ve qonə roy ğəziyə qınyə.

Çı qonə roy ğəziyə səkıştədə 2017 – nə sori çe moəmo bıə Ələkbərova Humay Elçini kinə, Leksusi ərom Xankişiyev Xanlar Ayazi zoə iyən Leksusi dılədə nıştə sərnışın Boku şəhəri əji Səmədova Mərviyə Qurbani kinə ğəziyə qınyə vırədə ıştə dınyoşon dərhol ovaxtəşone. Çı roy ğəziyə səkıştədə co se xonəxonən ve qonə zəfə səşone.

Bı roy ğziyədə zəfə səkəson, Mercedesi ərom Həşimov Habil Əbulfəzli zoə, Nataçolə şəhəri əjiyon Elçin Ələkbərov iyən 1991 – nə sori çe moəmo bıə Ələkbərova Qunay Əbulfəzli kinəy. Qonə zəfə səkəson bə Natəçolə Mərənqo noxəşxonə vırəbəvırə kardəşone. Dı koy anqıl Natəçolə Polisi Xonə xətokərəti ko rosış kardə. Təyğəton şedən.

Lankon – Natəçolə.

Sərdor Bunyadov.