Ozobiconədə avqustə manqi 11 – də Cəmil (Cəbrayıl) Hacıyev sənibətonəni məhkəməy. Cəmil Hacıyevi iyən çe əy boə İsrafil Hacıyevi dılışone dastqir bıkən, ısət demi həni bo əvonro çandminəni məhkəmə dəvardedə. Lankoni məhkəmə həni har haftə bə teatıri mərənqo peqardə.

Xərəboği veteran bə  Cəmil Hacıyev iyən bə çe əy boə İsrafil Hacıyevi dim Qorxmaz Hacıyev nomədə qılə nocins mandə. Im  odəm çe Lankoni polisi bə odəm dim haştə çoğole, kəy çe ki ğande pidəşone Qorxmazi hiski doən çe əy kutisə. De çe əy dasti dılışone Cəmil Hacıyevi iyən çe əy boə İsrafiliən dastqir bıkən.

Imi həmə jıqo kardə Ozobiconi hukumət çə tonoən bo qılə co Xərəboği veterani Boku mərənqoədə bırhoz noydə. Ko bımədəy ki, bo ki bırhoz nodən əv Albert Aqarunove binim millətış yəhudiey ıştən Xəroboğədə həlok bıə. Bə Albert Aqarunovi hələ milli qəhrəmanəti nomən doəşone. Cəmil Hacıyev ısətboy bə qəhrəmanəti nomi layiq zınə nıbe. Isətən əy dastqir kardən.

Sərostədə Cəmil Hacıyev bə qəhrəmanəti nomi ve damedəbe nekini Albert Aqarunov. Isət diəkən bə tolışi bı pesoxtə keşvər Ozobiconədə çe curə rəvimonış heste, çe əy qəhrəmanə zoə dılışone dastqir bıkən, mande bo yəhudi bırhoz nodən. Tolış bəpe ıştə kolo peqəto bınə ıştə vədə, çok – çoki bışu bə xıyə : Bəy ım Xəroboğ ya ım Ozobicon nomədə keşvər bo çiçey?

Xıdo əmonətədə!

TolishMedia