Ozobicon nomədə pesoxtə keşvərədə bə hukuməti dəvləti jıqo səbəro karde vəynə bıə muxalifə odəmon bə çe əvon nezə odəmon, xıyzoni curi otov omedən, əvonən kədə bə muxalif bıə dastpoçənini jıqo fişar omedən ki, əv odəm bə ıştə xıyzoni nımoyondon tabe bey tovədə mandə. Bı bardə tolışon dastpoçəniyon əmənışon ve vaxte xəbədoşon kardə.

Kədə əğıli, jeni, zomo, kinə, zoə dey nəvə – nətincon de DTX dasti bə odəmon dim doydən haşte ki, timsal tı məvot əmə tolışimon. Vey muo qızqıniyə çiey. Ox qirəm Xıdo i xonəxoş tolış ya ləzqiş ofəyəbu, əv bəpe bo çiçi ıştə milləti nomi bə ıştə qəv varde bıtarso? Jıqoş çiy dınyo har qılə vırədə normal bıbu, Ozobicon nomədə bı pesoxtə keşvərədə normale. Çumçıko Həydər Əliyevi çoknəy bımonoş verd doəşe, əvonən hejo də qətə verdi ım pesoxtə keşvəri səbəro kardən.

Jıqo holon, binim bə qılə dastpoçənini de əçəy xıyzoni bəy fişar nişo doydən iqlə məvotbənən tolışon dılədə niyebən. Bı rujonədə Ozobiconi muxəlifəti nımoyondə Tofiq Yaqublu kinə Niqar Həzi bə çe əy pıə de əçəy xıyzoni dasti fişar nişo doy barədə qəp jəşe. Bı vironə keşvərədə jıqoye. İyo rostə sıxan hiç kəynə bə ro əşıni. Ənəndə, ənəndə binim ım pesoxtə keşvər vılo bey. Bəvədə iyo jiyə həmə odəmon, həmə xəlğon pebərəxn.

TolishMedia