Bə “ParsToday” informasiyə agentəti tolışə sayti məlumoton əsosi deBoku dikator İlham Əliyevi dekabrə mangi 5-nə ruji sərəncomi Azərbaycan Respublika milliə məclis vadoə bıə iyən vaxtiku bənav parlament səçın bərpo bəbe. Im sərəncom çəy bəpeştə elan be ki parlament nımoyəndəon de loyhə vasitə prezidentətiku pidəşon be vaxti bənav parlament səçıni dəvoniyəro ısətnə parlamenti dıvrə ləğv elan bıkə.

Bə ım sərəncami əsos ome səçın 2020 Feverali və bərpo bəbe və hol ım ki ğəror be. Ome sori Noyabr çəy vaxtədə bıə səçın və parlament intixabat dəvoniyə bıbu. Parlamenti vea doe tələb çəy bəpeştə elan be ki i minə vəzir Noroz Muhəmmədev be illət istefaş do və çəy əvəzi prezident Əli Əsədefi bənə i minə vəzirəti namzəd bə parlament elanış karde. Azərbaycan Respublikaədə qırd kişvəri idarə və koon prezident Əliyevi ixtiyorədəy.