“Artsaxi barədə gap je bə nav ozobiconıjon bəpe bə tolışon, ləzgion, avaron hovujə muxtariyət bıdon. Əvon ım muxtariyət pidaşone iyən əmə bəvindemon ım hovujə muxatriyət bə əməən çı curə təcrubə nişo bədoe”.

“TolishMedia” informasiyə agentəti muxbir xəbə dodə ki, çımi həxədə Yerevanədə vağeə bıə iyən bə Ğafğazi iyən Kaspi həndəvəri bınəyniə xəlğon həsr bıə konfransi bəpeştə Yerevani Dovlətiə Universiteti ironşınosi kafedrə rəis Vardan Voskanyani de jurnaliston mısohibədə elon kardəşe.

Bə Voskanyani sıxanon əsosi, erməniə tərəf de tolışon bə ico bəpe jıgo təbiiə sərhədon bısoxto ki, de ım marzon koməgi ermənion iyən tolışon həmsiyə xəlğon statusi tojədən bino bəkarden. A status ki həzo-həzo soron mıddətədə bo ım xəlğon hest be.

İronşınos ğeyd kardışe ki, Erməniston, məxsusən akademikə iyən elmiə məron gıləy atmosfer soxtəşone ki de çəy koməgi əvon həm de Ozobiconi bumiə milləton fəolə siyosiə xodimon, həmən de Ozobiconi şiə mıxolifəti rabitəonışon heste.