TolishMedia informasiyə agentəti muxbir xəbə dodə ki, Yerevanədə vağeə bıə “Ğafğazi iyən Kaspi həndəvəri bınəyniə xəlğon bə elmi ruşinə beşəyon iyən holiyədə duəvojə pesoxtəyon” nomo konfransi vaxtədə tolışə politolog, Rusiyə Federasiyə prezidenti tono milləton arə munəsibəton şurə uzv, “Rusiyə tolışə diaspora” təşkiloti sədr İsmayıl Şabanovi ıştə sıxanədə bə erməniə xəlği iyən Ermənistoni dovləti bo jıgo gıləy təsirinə elmiə konfransi təşkil karde ro təşəkkor votışe iyən bə Yerevani Dovlətiə Universiteti ironşınosi erməniə məktəbi ləyoğətış xısusiə əhmiyət doe.

İsmayıl Şabanovi elon kardəşe: “Yerevani Dovlətiə Universiteti ironşınosi kafedrə bə həmməy dınyo tolışə xəlği ro akademikə məbəde”.

Bə yod dəğandəmon ki, Ermənistoni paytatx Yerevanədə dekabrə mangi 6-7 rujonədə “Ğafğazi iyən Kaspi həndəvəri bınəyniə xəlğon bə elmi ruşinə beşəyon iyən holiyədə duəvojə pesoxtəyon” nomo konfrans dəvoniə bedə be.