TolishMedia informasiyə agentəti muxbir Yerevan şəhəriku xəbə dodə ki, Ermənistoni paytaxt Yerevanədə dekabrə mangi 6-7 rujonədə “Ğafğazi iyən Kaspi həndəvəri bınəyniə xəlğon bə elmi ruşinə beşəyon iyən holiyədə duəvojə pesoxtəyon” nomo konfrans dəvoniə bə.

Ğərəyz erməniə alimon ım konfransədə təğriban 20 gılə xariciə mıtəxəssison iyən Ğafğaz-Kaspi həndəvəri bınəyniə xəlğon ictimoiə xodimon, tolışon, ləzgion, osetinon, avaron iyən co xəlğon nımoyəndon iştirokışon kardə.

Pevılo bıə videoədə tolışə xəlği nımoyəndon Ozobiconədə tolerantəti nıbeyəti həxədə gəp jəydən, oxo ım məmləkətədə tolışə, ləzgiə iyən har co gılə ğeyri-ozobiconiə ıştənidərki təzohur de separatizmi eyzən karde bedə.