Masali Kulətoni di əjiyon bə ıştə deputat Anar İskəndərovi de Alim Əliyevi ğəziyə ovardəşone. Çoknəy binim çe fişari noxəşiku mardə Alim Əliyevışon bənəy korona noxəşiku mardə odəmi nomjə kardəşone. Çı ımi hucobətən hukuməti dəsturış doəşe ki, çe Alimi odəmon bə karantin dəğandə bıbu.

Əvon bı ımi pemandənin, polison çe əy hovə iyən piəmerdə pıəşon kuəşone. Odəmonən bə ıştə deputat Anar İskəndərovi ovardəşone, bı barədə ıştə  noroziətişon kardəşone. Çe əvon deputat Anar İskəndərov bə əvon cəvobədə jıqoş votə: Az de hukuməti koy koyım ni. Ve hədəyon mandə cəvobe, odəmi parseş pidə Anar İskəndərov həni bo çiçi deputate?

Qirəm deputatən de hukuməti koy koyış nibu, bəvədə ki de çe hukuməti koy koyış bey bəzıne, dəsturon darıştə əjiyon qərdəni bəkəşe? Jıqo beşedə ki, Anar İskəndərov ıştə səçıniyə odəmon ne çe hukuməti nımoyəndəy. Imən çe tolışi tolışə deputat.

Xıdo ıştən bə tolışi koməq bıko.