Mayə mangi 5-nə ruji maştonəku çı Boku rejimi hakerə mıjdlron tərəfo nubətinə besəmərə iyən benəticə hıjum bino bıə bə Ozodə Tolışıstoni “TolishMedia” informasiyə agentəti rəsmiə sayti mınosibətədə. Eyni zəmonədə de ımi bə ico çı Boku diktator Əliyevi hakeron tolışə məşhurə şair, publisist, ictimoiə xodim iyən jurnalist Zabil Məhərramovi facebooki hisobışon arıştə.

Im çırkinə hərəkəton iyən ğeyri-ğanuniə tədbiron çok-çoko nişo doedə ki, Boku rejim tolışə hərəkoti ictimoiə-siosiə rostbemoniku iyən daxilə ğeyri-stabilə vəziyətiku bə dəhşət omedə. Çəvon tars de beynəlxalğə vıjoronədə nati ğıyməti sıguti iyən Ozobiconədə koronəvirusi vəziyəti angıl bedə.

De ımi əloğədor Ozodə Tolışıstoni İnformasiyə Agentəti elon kardedə ki, çı diktatorə rejimi hiç gılə ğeyri-ğanuniə tədbir iyən hərəkət bo tolışə milləti huğuğon iyən ruşinə ayəndə mıborizə navi gəte nibəzıne iyən çəmə mıborizə rujbəruj iyən saatbəsaat zumand bedə.

Bıji tolışə xalğ!

Bıji Ozodə Tolışıston!