Ozobiconədə iyunə mangi 18-ədə de koronavirusi mıbtəlo be 329 tojə fakt bə oşko beşə. 248 nəfər mıolicə kardə bən iyən noxəşxonəonku bə kə vığandə bən. Çımi həxədə çı Vəziron Kabineti tono Operativə Ğərərgohi elonədə votə bedə.

Sıvoy çımi Operativə Ğərərgoədə 1935, 1936, 1940, 1942, 1951, 1956, 1964-minə soron təvəlludinə 7 gılə odəmon marde həxədə xəbə doedən. Holiədə Ozobiconədə 10991 xonəxo de koronavirusi mıbtəlo be fakt oşko kardə bə. Cəvonku 6075 kəs mıolicə kardə bən, 133 nəfər mardə, 4783 xonəxo xususiə rejiminə noxəşxonəonədə mıolicə dəvom kardedən.

Həmonə xonəxonədə 235 kəsi hol gon, 325 kəsi hol miyonə gon, əmandanion hol stabile.