İyulə manqi çordəku jıqo Ermənistoni Tovuş, Ozobiconi Tovuz rayonon marzisə canq otaspə. Bı canqədə qınokor Ozobicone. Çumçıko Ozobiconi ton bı canqədə Tırkiyə dastədə bənəy əbjori çe əmə reqionədə oko doə bedə. Tolışstoni bı canqədə çand qılə mardış pişvozış kardəşe.

De jıqo Ozobiconi ısətnəni hukuməti dılışe həm tolışon bıdə bı canqədə ğır karde, həmən ıştə taxti qərdəni kəşe roədə ım canqi ıştə dastədə əbjor bıkə. Əve bı canqədə qıno iqlə Ozobiconi tonisə eqınidə. Tolışstoni Biləsıvo, Akon, Dərquba, Kirovsovxoz, Marso, Bəndərqo (Liman) dionədə Tovuzi canqo omə mardon bə zəmini aspardaşone. Çı ımi orəx çiç bəbe?

Çı ımi əy nişo doydə ki, Ozobiconi dılışe tolışon tumi pesındıno, həmən ıştə de erməniyon aradə ım çanqi əğrəbi bıqordono tolışon kutisə. Tolışon bəpe ve oğo bıbun. Qirəm oğo nıbun, tolışi tum qırd pebəsie. Xıdo bə tolışi kali ənəpandon, pand bıdo, pandinon pandi tikəyən heve bıko!

Tolih Media