Rusiya Federasiya Tyumen şəhərədə Rustəm Səfərəlizoəy tərəfo “Tolışə Milliə Mədəniə Muxtariyət” nomo tojə tolışə təşkilot ofəyə bıə. Çımi həxədə sosialə şəbəkonədə tolışə fəolon xəbə doedən.

Tolışə siyosiə iyən ictimoiə xodim, politolog Zahirəddin İbrahimi ıştə facebook-i səhifədə de ım hodisə angıl nıvıştedə: “Tyumeni tolışon de “Tolışə Milliə Mədəniə Muxtariyəti” ofəyə be mınosibəti təbrik kardedəmon, əvon vang kardedəmon ım təşkiloti iyən çəy sədr Rustəm Səfərəlizoəy gırdoədə i be. Ovand orzu kardedəmon. De iyəndı əmə ğıvvəmon!”

TolishMedia informasiyə agentəti iyən Ozodə Tolışıstoni Sədo radioən həmməy tolışon de ım ovandinə mınosibəti təbrik kardedən iyən bo təşkiloti iyən çəy uzvon baxtəvərəti orzu kardedən.