In ko vıron 44,6 faiz qeyri-keşvəri sektori aide.

Azərbaycani Statistika Komitə ıştə nimə sorinə hesabitəda joğo ğeyd kardə.
Bə hesaboti tosə avqusti 1 Azərbaycanəda iqtisadi fəal odəmon hisob 5 mln 230 həzo bə, çımonən 4 mln 881 həzo məşğulə odəmon bən.

İqtisadi fəal odəmon hisob de ponə sori müqayisədə sadə nəve şəş faizi ziyod, Məşğul bə odəmon hisob sadə nəve ço faiz kam bə.

Komitə hesabatı qorə, 2020 sori iminə nimədə 5 həzo 9 sa ko virə dəbastə bə, çımonən 61 faiz qeyri-keşvəri sektori baxş eqınidə.

Demokratiya inən Rifah Hərəkatı sərdor ekonomist Qubad İbadoğlu 20 minə sori 7 manqədə 85 həzo tojə koy vıron oj be real nıbr ğeyd kardedə . Bəçe ro çın statistika 5 manq bə pandemiyə vaxt eqnidə, bı mıddıtədə koy vıron dəbəstə bən, odəmon be ko mandən.

Imsori apreliku məşğulə xıdməti orqanonda rəsmi ğeydiyyatədə dəvardə odəmon hisob statistik ğeydonku dəparçınə bə.

Statistika Komitə ğeydonədə karantin mıddətədə Azərbaycanəda benzin-dizel istehlakən ziyod bə, dınyo əlidə keşvəronədə tam əksinəy, yanvar-may manqonədə bə büdcə omə pulon de ponə sori müqayisədə 17 faiz ziyod bə.

Ğəzənc 10 milyard 580, milyon mənot, xarcon nimə faiz kam, 9 milyard 392 milyon mənot bən.
De Nəloqə orqanon xətti 6 manqi qeyri-neft sektorəda qırd kardə nəloq 29 faiz ziyod bə.
Müstəğıl ekonomiston ın statistik rəqəmon rost nıbe, real vıziyyəti vey bevəc be ğeyd kardedən,