Davardə sentyabırə manqi vistıhaftədə bino bıə Xərəboği canqi dıminə bəjən otəşbıri səloşon jəşone. Bı bəjən çı koy sədə Amerika mandə, davardə bəjən Moskvada jə bıə səlo hiç qılə foydəş nıdoşe . Isət çoknəy vindedəmon Vaşinqtono omə otəşbıri ray məvuji ıştə foydə bədoy? Ne əmə jıqo bəsə dəşedəmon ki de Ozobicon nomədə pesoxtə keşvəri pesoxtə yolon hiç kəynə bə qılə havardəy beşe əbıni. Çe ımon har çiy du kutisə onoə bıə. Çı ımon cənən de ndu şedə – omedə. İlham Əliyev ha ıştəni bə zəmin ekuyo ki, əmə har çi pemandəmon, əv de jıqo çiyon iqlə ıştəni iyən ozobiconıjə soyə əjiyon bə dast dənoy bəzıne. Ozobicon nomədə ım pesoxtə keşvər de ıştə pulxorə prezidenti iyən faşistə hukuməti hiç kəynə odəmon qərdəni əkəşıni.Əvon iqlə ıştə cifi, ıştə moli, ıştə tənxo qərdəni kəşe hayədən.

Bı canqədə Ozobicon tolışon, ləzqiyon, taton, avaron iyən co bınəyniyə xəlqon doydə bə qulilə və. De jıqo həm ıştə pesoxtə dəvləti milli kaşi olığnidə, həmən de bınəyniyə xəlğon dasti ıştə problemon oloğnidə. Əve bə əmə jıqo omedə ki, ım otəşbırə dastqo de Ozobiconi dasti darıştə bəbe, binim çoknəy arıştə bıə. Ozobicon de ıştə keşvəri sədə nıştəkəson çe sivilizatsiya deşmenin. Xıdo ıştən çe Ozobiconi sə bekarde zınedəni, mandəbe odəmon bekən.

Tolish Media