Çe Artsaxi canqi fonədə həmən çe koronivirusi ov çe lokə peş kardə vaxtədə Ozobiconədə qıləyən nuə noxəşi pəydo bıə, çə noxəşi nomən pərçəmi nocəşiye. Ko bımədəy ki, bı Ozobicon nomədə pesoxtə keşvərədə dukononədə nun pəydo karde nıbuən pərçəm pəydo karde bedə.

Iştənən ım pərçəm iqlə Ozobiconi pərçəm bıbo, dardi yaoriye. Sərpərçəm bı pesoxtə keşvərədə Tırkiyə sıə pərçəme. Sovı bı ımiyən Pakistoni, İsraili pərçəmonən dəbədən. Odəm mandə çı milləti səyku avarə ki, oxo pərçəmi noxəşi çe komco omə. Çoknəy ım noxəşi bəpe bə xəşi bekəy?

Bı pesoxtə keşvərədə bə kom vırə diə kardedəş Tırkiyə , Pakistani, İsraili pərçəmonin. Oxo qirəm respublika hestebu, bəvədə bəpe əçəy simvolış bıbu, çə simvoli iminə qıləyən həmonə keşvəri ya dəvləti pərçəme. Imon ısətboy ço qılə keşvəri pərçəmışon avarə kardəşone, çiçe – çiçe ımon çe əmə dustə keşvəronin.

Lankonədə odəmon nıvıştedən ki, dukononədə nun pəydo bedəni, mande Tırkiyə pərçəm dukonon xırç purin. De jıqo manqurtə hımıcımi ım əjiyon bə kom vırə şedən, odəm mandə hədəyon.

Xıdo bı ımon pand bıdo.

TolishMedia