Artsaxi qırd ğədimə şəhər Şuşi çe kiy dastədə bey vey qılə yolə parsi jintonoy. Ozobiconi ton Şuşi çe əy dastədə bey səlo jəydə, İlaham Əliyev ım səlo çe vindəsədo ovəynədə de şəsti bə qəv vardedə. Mande bı barədə Ozobiconi ton iqlə nə video nəən qılə sərisofə şəkil edaştedən.

Jıqo çidə ki, İlham Əliyev ıştə şəhərvandon bə dast dənoydə. Ozobiconi əjiyonən bənəy ojəku iqlə bə İlham Əliyevi tvitton iyən bə çe əy vindəsədoədə qəp jə du – təlbison bovə kardedən. Sərostədə ısətboy Şuşi çe Artsaxi ıştənikərdənikəşə ləşkəri çəşənəvo jintoneye.

Jıqo bışu bə i ruj har çiy ıştə vırə bəqəte. Artsaxədə canq şedə, bı canqədə sapenco həzoynə Artsaxi əjiyon de Ozobicon iyən Tırkiyə sa milyonə əjiyon canqədən. Mande de jıqo ijən Artsax ıştə zəminon qərdəni kəşedə, əy hiç kəynə bə deşmeni çanq doy xaxanisə ni, hiç kəynən ədəni.

Bı canqədə Ozobiconədə jiə tolışon, ləzqiyon, taton bə artsaxıvojon vəynə canq karde tovədən. Iştə sərbozəti vaxti bə canq dəşe bə sə dəşənine, oxo curi tolışon hestin əvon deıştəxoşi şedən bo canq karde. Əvon sərostədə ıştə milləti, ıştə xəlği bə tırkon çanq doə manqurtonin. Xıdo bə jəqo manqurton pand bıdo. Demiyən jıqo, ımi həmə bızınən ki, Şuşi hiç kəynə bə Ozopbiconi dast dənıbəşe. Ki çiç votedə, bıvoto!

TolishMedia