Noyabrə manqi nəvədə Rusiya Federatsiya Xərəboğədə Ozobiconi de Xərəboği erməniyon aradə si sore damədə şə canqi titəş noşe. Penc sori dılədə Rusiya aşişəmijəti qərdəni kəşə ləşkər bə Xərəboği zəmin dəşe. Hejo bı vaxtədə çe Qobnustani dastqirxonədə çe Fəxrəddin Əboszodə ıştəni kışte rımuz beşe. Bə vaxti ki, Ozobiconi roədə tolışə sərbozon Xərəboğədə marde – marde, həmonə çə Ozobiconi əlehdə ğolloğvoni odəmon tolışon alimışon dastqirxonədə kıştışone. Tolışon ısət hiç nıbu bəsə dəşin ki, əvon çı pesoxtə keşvəri siyahiyədə bənəy qılə sərisofə milləti nin. Oxo odəm bəpe çanəndə kurocəğ bıbu ki, ıştəni bışu çı ımon roədə ğır bıdəy karde. Bətı çiç bədon, çiçışon doy ha kəxobə tolışa? Çı ımi vırədə ıştı alimə zoəşon dastqirxonədəşon kıştışone, tuşon karde bə ıştı dimi. Şımə çe Fəxrəddin Əboszodəsən, Ələkrəm Hummətovisən bo Ozobiconi veyon kardə? Diə bıkənən bə çəvon sə çı qulış varde? Əve Xıdo əy rəhmət bıko, Xıdo bə tolışon pand bıdo!

Tolish Media