Ozərboycon Respublikə otəşı səkarde ğərordadı Ğərəbağədə ləğv kardəşe. De Urusiyə REVERSE SİDE OF THE MEDAL telegramiyə kanalı vote iyən de Ermənistonədə Urusyə 102 numrədə nizamiyə bazə iyən Laçin(Berdzor)ədə çı Urusiyə sulhı mıhofizə ğıvvon vote əsos İyonə mangi 26-ədə de 14:51 vaxti, Ozərboyconi mısəlləh ğıvvon bə Ermənion nizami movge tərəf gullə ğande bino kardəşone.

Gulləğande hejo idoməış heste. Urusiyə nizamiyon to bə ısət ım vəziyətdə mıdoxilə kardəşon ni. De kali xabon əsos i kəs Ermənistonı tərəfiku yarəjə be. Həmonə rujədə de 15:10 vaxti, Martuni məntəğədə çı Ozərboyconı əsgəron ijən bə Ermənistonı nizamiyə movgeon hıcum bardəşone. Kali informasiyə agenton xəbə doydən ki Ozərboycon respublikə ım hıcumədə gonə avjoroniku bəhr bardəşe.