“Azərsu” onemon Mingəçevir inən Şirvan şəhəron ov-kanalizasiya sistemom tojədən soxte band elan kardə 2 ojə tenderiş bə sə jə.

Devlət həvate hıriyeyon internet portaləda doə məlumati gorə, tenderon ğalibon “Nort Vest Konstrakşn” inən “Azərsutəchizattikinti” onemononin.

Bə ğalib şirkəton muvafiğ 40 milyon 736 həzo mənot inən 19milyon 181 mənot, həmməyəvo 59 milyon 917 mənot doə bəbe.

Ğeyd bıkəmon “Nort Vest Konstrakşn” “Azərsu” Qax inən Səlyon şəhəron ov-kanalizasiya sistemon tojədən soxte qorə elan bə 2 tenderdən ğalib elan kardə bə. Bın ko gorə bə onemoni həmməyəvo 63 milyon 72 həzo mənot doə bə.
In şirkəti Boku Şəhəri Nəsimi Rayoni, Neftçilər prospekti, kə 153-də qeydiyyaton dəvarde votə bedə.

Həmonə ədresədə həmən «Paşa Holdinq» qeydiyyatədəy. Şirkəti ğanuni təmsiləkə Elçin Bədəlove. Çoko votdən, ıştən dast, ıştən yəxə. Cəzinəku dı formə de milyonon pul dələmurt kardedən, bo əhalu sosial koməqi pul rəsdəni votedən.