Orəxnə vaxtonədə Tolışstono noxoşə rımozon məsedəmon. Lankoni Tırkəkon nomədə diədə Emin Bağırov nomədə qıləy tolış bə ıştə səş xəyli tolışə baləliyonış qırdə kardəşe, çəyoən de əvon çe bozə vaqi nışonə nişo doy holədə ım şəkili çəyo sosial şəbəkonədə pevılo kardedə. Hələ ğərəyz bımiyən Lankoni Jinə Nuvədi nomədə diədə zinə ım bozə vaqon məçitışon qətım kardəşone, di əjiyon omən emən bə məsçid əvonışon çəyo bekardəşone.

Imən əy nişo doydə ki, Tolışstoni zəmin de anqlasakson dasti çok – çoki bə muzinq qətə bıə. Tırkəkonədə bozə vaqi nışonə nişo doy, çəyo Jinə Nuvədiədə vəhabiyon bə məçit səpuriye, məçidi qətım karde. Imon həmə əy nişo doydən ki, İsrail de Yoləbritaniya dılışe çəmə zəminon bə otəşqo oqordonon . Jıqo vinde bedə məvuji tolışonışon doəşone bə hani, de manqurtə tolışon dasti çəmə zəmini, çəmə mərdumi, çəmə dini, çəmə zıvoni, çəmə fərhənqi, çəmə əğəydə, çəmə miji, çəmə jimoni bə hiçi – puç bekən.

Hələ ənəndə kəloşon pəydo bıən, əvonən bəşəv – bəruj vəşon noə bə dastpoçəninə tolışon do – dojemon doy. Iştənən jəqo kəloşon bə hukuməti mesaj doydən ki, əvon bəpe çe jıqo tolışon vəy pebırniyero, çəvon Tolışstonədə jiyə nezə odəmon dəvilə bıkə, bıdə bə jəqo tolışon pandənomə bıbo. Jıqo bızın ım hukuməti detobə bı şitonən pandışon ni, jıqo bızın əvon nuni bə ıştə kuşi bın hardedən.

Diə bıkənən çandi – çand sorone çəmə mərdumi nənə bovniyə ım əliyevon de paşayevon tobyə bə çe ki ovardi oemandə, bə Saday Nəciyev iyən Ramin Qafarovi. Ha şinə tolışon ım dıqlə kəloşon Saday Nəciyev de Ramin Qafarovi dılışone tolışon vanqi bə dınyo pevılo kardəkəson həmə bıdən qəte. Mande ım dəmərəsə kəloşon nə Tırkəkonədə lonə bastə bozə vaqon vindən nəən Jinə Nuvədiədə məçidi qətım kardə vəhabiyon. Məvotbənən əvon çokin tolışon vanqi bə dınyo pevılo kardəkəson bevəc! Ha diə bıkənən- jıqo – jıqo koon!

Şəmsəddin Museyibi