Bə vaxtədə ki Ozərboycon respublikədə jiyə mısılmonon lider Hac Tale Bağırzodə bə vəşyəni tətil beşey, ın ulkədə i dastə cıvonə İslampiəon ıştə həbsxononədə bə vəşyəni tətil beşin. Məhbusbıə Cəbbar Cəbbarov çı Nardaran məntəğə divoj, Məhbusbıə journalist Polad Əslanov iyən Əbbas Hoseyn çı Ozərboycon respublikədə mısılmonon vəhdətinə cərəyani məhbusbıə şəxsiyəton əcumlədə dindaroni hestin ki de Hac Tale Bağırzodə ibeyəti ilon kardışone.

Tojədənən i gorop Ozərboyconı dindaron ki Razi Himmətovı məhkəmə ətrofədə gırdə bin de Boku polis ğıvvon təsirati dim bə dim bən iyən i kəs ım gorop uzvonən de polisi vəsilə gətə bən. In goropıku xəbə rəsedə ki polis deəvoni ve bevəcə rəftor hestışbe.

Ozərboycon respublikədə de təşkilatiə hərəkəton mıborizə karde idorə uzvon çı İslamtələbəkon rınci doeədə hətto bə xıdovəndi baritəalaən dımjon doydəbin. In məsələ səbəb be ki ın ulkədə ve mısılmonon norohət bıbon iyən itiraz bıkən.

Mayil Kərimov gıləy ın məhbusbıə kəsone, əv votdə ki: Bandotdel(Ozərboycon respublikədə de təşkilatiə hərəkəton mıborizə karde idorə) məmuron rəftor de İslamiyə əxlaği ğaidəon zidd be, əvon hejo dımjon doydəbin iyən mıni koydəbin, çəvon sıxan ın be ki de məhbusbıə mısılmonon ibeyəti kardeyo məhkəmə ətrofədə nımandəmon. Əvon bəmıku ehdəmon pegətışone ki ın məhkəmədə hozı nıbom, jığo be ki mıni mıvəğğəti ozodışon karde.

Ozərboycon respublikə ulkə vəzorəti məsulon de ın bonə əsos ki əçəvon ulkə siyasi sistemı metod Layik iyən Sekolare ıştə məmuron tərəfiku bə İslam iyən xıdovəndi aləmi dımjon doe iyən behurmət karde de gıləy taxsı unvani zınedənin.

Bı rujondə bə Ozərboycon respublikədə jiyə mısılmonon lider Hac Tale Bağırzodə dastəq doe iyən deəy həmroəti karde ın ulkə Şiəon arədə bənə gıləy umumi məğsəde, ıme ki ve kəson hejo pidəşone Hac Tale Bağırzodə hərəkət bəji bımando iyən idoməış bıbo.