Azərbaycan Xalq Cəbhəsi Partiya (AXCP) Nərimanov rayon şebə uzv Elnur Həsənovi istintağ bə orəx rəsə. Əçe vəkil fəali bə kə dustaqəti vadoe ro bə məhkəmə ovardə. Vəkil Nemət Kərimli ros kardə vəsatəti Xətai Rayon Məhkəmədə diə kardə bə.

Məhkəmədə vəkili, istintae bə orəx rəse, muvəkkili çimi bə peş bə istintağe təsir karde imkan nıbe bəyonış kardə. Bə Elnur Həsənovi vəynə doə bə narkotik ittihomi beəsos be votə vəkil Elnur Həsənovi səhhətədə problemon be bə hakim nəzəş rosniə, əçe boə 2020-minə sorədə 44 rujinə muharibədə həlok beş votə..

Elnur Həsənov ıştə taxsi nıbe, hiç qılı cinayət nıkarde, “Facebook”ədə polison barədə pevolo kardə materialon qorə de narkotiki şər ğandə be, holiədə çe Vilayət Eyvazov əsirim votəşe.