İyuli 25-də Kopenhagenədə bənə “Danimarka vətənpərvəron” zinə bə xonəxon bə İslam əleyh fəalon qılı qədə qrup Misir inən Turkiyə səfarətxonə vədə Ğıron kitobşon sutə. Im oxonə vaxton Danimarka inən İsveçədə mısılmonon miyonədə bə hiddəti səbəb bə etirazon bə peş bə.

Həm Danimarka, həmən İsveç İslamı mığəddəsə kitobi sute rədd bıkonən, sıxan ozodəti hifz kardə ğanunon qorə joğo hərəkəton vəy qəte nızne iddio kardən. Bın hadison cəvob İraqədə etiraz bıkəyon Bağdadədə İsveç səfarətxonəşon sutə.

“Danimarkalı Vətənpərvəron” iyuli 24 inən dəvardə həftə İraq səfarətxonə vədə Ğıronşon sutə be. Joğo hadisonədə oxonə manqon İsveçədən səş qətə.