Mısılmon İbemoni Hərəkati uzv, Nardaran hadison qorə 2013-minə soriku dəstqirətiədə bə Abbas Huseynovi de Avropa İnson Həxon Məhkəmə ğərari təyin bə kompensasiya doə bedə ni. Bin barədə bə Meydan TV Avropa Məhkəmədə əçe numayəndə Yalçın İmanovi məlumatış doə.

Nardaran hadison qorə dəstqir bə xonəxon bə Avropa Məhkəmə de işgəncə band şikaton anqıl ğərari qorə hikumət bə ərizəvon har qılə 8 həzo avro kompensasiya doe rozi bə, həmonə şikaton çe diə kardə koon siyahiku bekarde təklifış kardə. Şikar bıkəyon hokuməti çəvon darıştə huğuğon bərpo ro kon qəmin şodoe band huç qılı təklif nıdoe, təzminati məbləği kam be əsos o vardə, hökuməti təklifiku imtinoşon kardə be. Məhkəmə bəvon 8000 avro kompensasiya doe ğərariku 3 manq dəvardoən, bə çəvon hisob ın məbləğ ovoştonə bəni. Avropa məhkəmədə Azərbaycani təmsil bıkə numayəndə bə kardə ovardəyon məhəl nodəni.