Laçın-Stepanəkert ro 2022-minə sori dekabriku bino bə, 138 ruj dəvom kardə etiraz aksiyədə iştirak kardə cıvononədə qılı – 2003-minə sori təvəlludin Fidan Əliyeva peşo bə devləti xəyonət ittihom dəstqir kardə bə. Əv, holiədə Boku Qonə Cinayəton Məhkəmədə muhakimə bedə.

De Ermənistan xususi xıdmət orqanon casusətiədə ittihom bə Fidan Əliyeva ko de hakim Əli Məmmədovi sərdorəti diə kardə bedə.
De ittihomi, Fidan Əliyeva de Ermənistan Respublika xususi xıdmət orqanon koəkə de internet vasitə oşnə bə, bey muxtəlif məlumaton, foto inən video vığandəşe.
Əmmo Fidan Əliyeva ıştəni taxsikor zınedəni, casusəti ittihomi rədd kardedə, oşnə bə xonəxo Rusiya şəhrvand be votedə.

Oşnə beədə məğsəd Azərbaycani həxədə məlumat doe ne, bənə insonu unsiyyət soxte bə.
Hakimon kollegiya Fidan Əliyeva məhkəmə bastə formadə dəvone ğərarış doə.

Əçe ittihom bə Cinayət Məcəllə 274-minə (bə devləti xəyonət) maddədə 12 soriku tosə 20 sor və ya tosə jimon oxo ozodətiku məhrumkardə cəzo nəzərədə qətə bə.