Huğuğ təşkilat İsraili Qəzzadə “de vəşi kışte” taktikaku istifadədə ittihom kardedə. Təşkilaton hesabatonədə Qəzzadə vəşiətiku norohətəti ğeyd kardə bedə.

Qlobal Huğuğon Qrup dekabri 18-də İsrailış Qəzzadə de HƏMAS-i muharibədə insonon vəşiku kışte cinayətədəş taxsiko zınə.

İsraili Sər Baş vəzir Benyamin Netanyahu binon xərobə karde, vəşiəti eqande, sahil anklavi bombardman karde iyən muhasirə penığəte sıxanış doə.

“Human Rights Watch” (HRW) İsrail ğıvvon ğəsdo ov, harde iyən sutəy rosne vəy qəte, di təsərrufat sahon bə xərobə peqordonie iyən Qəzza 2 milyon 300 həzo əhali jie ro zəruri obyektonku məhrum kardedə ittihom kardə.