Bə istintağe nəzarət kardə prokurori, Iştə pıə,moə, nuperəsə boə, hovə de əçe 5 sinədə kinə kışteədə ittihom bə Əhməd Əhmədovi bə psixiatriya noxəşxonə vığande ro bə məhkəmə təğdimatış doə. Fevrali 22-də Xətai Rayon Məhkəmədə təğdimat təmin kardə bə.

Sər Prokuratura mətbuat xıdməti doə xəbədə, taxsikoə xonəxo hadisə kardə vaxt ıştə əməli bə sə dəşe-dənışe, hərəkəton idarə karde iqtidarədə be-nıbe psixiatriya sahədə eksperton tərəfo muəyyən karde, rəy doe zıne ğeyd kardə bedə.

Joğo ekspertiza təyin dəvoniədə, əgəm bo həmonə xonəxo stasionar muayinə zərurət hıstebu, bəvədə mıstəntığe vəsatəti, bə istintağe prosessual rəhbərəti kardə prokurori təğdimatı əsnoədə məhkəmə ğəror doənie.

5 kəsi ğətlədə ittihom bə 25 sininə Əhməd Əhmədova de Cinayət Məcəllə 120.2.4 (de xususi beəmonəti odəm kışte), 120.2.7 (dı və ya həniən vey xonəxo kışte) iyən de əlidə maddon ittiham bedə. Dın maddon əv tosə 20 sori və ya tosə jimoni oxo ozodətiku məhrumbə cəzo se bəzne.