“SalamNews” informasiya agentəti iyən “İnterAz” sayti rəhbər, sorisə vey dəstirətiədə bə Mətləb Bağırov bın rujonədə bə məhkəmə və bekardə bəbe. Bəçe koy Boku Qonə Cinayəton Məhkəmədə diə kardə bəbe. Məhkəmə sıftənə hozzoə qirdəbe fevrali 26-də dəbavarde.

Bənə Hacı Mətləbi zınə bə Mətləb Bağırov de Cinayət Məcəllə 193-1.3.2 (de cinayət ro bə daşt vardə vəsaiton leqal karde – xeyli miğdarədə kardeədə), 206 (kontrabanda), 213-(naloq nıdoe) iyən de əlidə maddon ittihom kardə bedə.

44 sininə Mətləb Bağırov həmən dini-ekstremist məzmuninə materialon pevolo kardeədə, İroniku bə Azərbaycan de rəsmi ğaydə bəyon nıkarde pul varde iyən s. əməlonədə taxsikor zınə bedə.
Əv ın ittihomon ğəbul kardə ni, ıştəniən taxsikor zınedə ni.

Mətləb Bağırov 2023-minə sori yanvarədə dəstqir kardə bə. Həmonə vaxt huğuğ-muhafizə orqanon koəkon “SalamNews” iyən “İnterAz”i ofisədə nəvəy əməliyatşon bardə.