Avasor informasiyə agentəti xəbə doedə ki, Lankonədə 5 di səbəson oko doə ro dəvardəninni. Çə rayoni Gəgiran di səbəson bə Meydan TV-i votəşone vəzyət ənə bevəce ki, ro ni ıştə avlodon ğəbi ziyorət bıkən. Gılə koy ro diku bešə kəson bə dum ogardeədə, ıştə avlodon vindero bə di omə kəson bə diku beşe çətinəti kəşəydən. Voayn i voşinə həvoədə de din əloğə bıriyə bedə.

Çı di səbəsə Ğalib Mirzəyev votedə ki, bə ro gorə bə rayoni mərkəz kuç kardəşe. Diədə jiyə ıştə valideynon zındəni vinde, çumçıro ro gorə taksiyon bə di rost beku radd jəydən.

“XXI əsrədə Lankonədə jıgo diyon heste əyo maşin zındəni še. Gədə ıştə sədo bekardəmon sa vırəku xəbədoəti kardedən. Jıgo bızın ım dovləti dıšmenimon. Fik kardə kəs ni ki, divoj de çiçi ıştə guzəroni gordınidə. Kaştemon, dıven bıbu, ro lozime ki, ımi bə vıjor bekə”, – şikoyatəkə votəşe.