Dəstqirətiədə bə siyasi fəalonədə qılıy – ıştəni bənə Azərbaycani Ləyağətinə Əvlodon Vəhdət (ALÖV) Partiya sərdori təğdim kardə Rza Səfərsoy koy ro istintağ bə orəx rəşə. Ğeyriğanuni silah oğəteədə ittihom bə Rza Səfərsoy həxədə cinayət ko nezə rujonədə bə Xəzər Rayon Məhkəmə vığandə bəbe.

Siyasi fəali vəkil Nazim Musayev istintağədə həm muvəkkili, həmən ıştə huğuğon darıştə be bəyonış kardə. De əçe sıxani, istintağ bə orəx rəşə peş, de cinayət ko materialon oşnə be mərhələdə taxsikorə xonəxo iyən əçe mudafiədor de sənədon surəton peğəte huğuğşon hıste. Çumşuko, məhkəmə prosesədə huğuği müdafiə karde qorə dastədə sənədon be vacibe.

Vəkil, Rza Səfərsoy koədə mustəntiğe çəvon ın huğuğış məhdud kardə.

Rza Səfərsoy 2023-minə sori noyabriku dəstqirətiədəy. Əçe kədə silah peydo be iddio kardə bedə. Əçe jimoni həmro Təranə Səfərsoy əçe de sifarişi dəstqir kardə be, silah kədə nəvəy bardə xonəxon tərəfo noə be votedə.

Noyabri 24-də Səfərsoyon Xəzər rayon, Binə-sovxoz əraziədə jiə kədə bardə nəvəy tədbiri ğeyriğanuni be hesob karde ro mıddəti bə nav bə məhkəmə şikat bıkonən, şikayət təmin bə nı be.
Təranə Səfərsoy , əçe şuə hiç qılı cinayət nıkarde, 4 manqe Şuvəlan təcridxonədə bo 5 kəsi nəzərədə qətə kameradə de 20 kəsi oğətə be bəyonış kardə.