Azərbaycan Xalq Cəbhə Partiya (AXCP) 8 manq dəstqirətiədə bə fəal Elxan Əliyevi məhkəmə istintağ bə orəx rəsə. Prokurori bo AXCP uzvi 7 sor ozodətiku məhrum kardə cəzoş piə.

Elxan Əliyev iyən dey bə ico muhakimə bə Vəfadar Axundov iyən Yusif Əliyevi ko ponə sori sentyabriku Boku Qonə Cinayəton Məhkəmədə bardə bedə.

Əv de Cinayət Məcəllə 178 (dələdızdəti) iyən 320- (saxta sənədiku istifadə) maddon ittihom kardə bedə. Cinayət koədə sohbət Sabunçu rayon, Nardaran ğəsəbədə zəmin sahə həvateku şedə. Zərərkəşəy ğismədə zınə bə Ramo Şukurov, bey mılkiyyət sənəd nıbə, de bələdiyyə sərəncomi doə bə zəmin sahə bə 57 həzo mənot həvatə be iddio kardə.

Taxsikor zınə bə xonəxon ittihomi ğəbul kardə nin. Əvon, navədə de Ramo Şukurovi zəmin sahə besənəd, de bələdiyyə sərəncomi doəbe bə roziəti ome votedən. Elxan Əliyev istə dəstqirəti təxribat nəticədə be, 57 həzo iyən bın prosesədə bənə makleri bey 3900 mənot puli oqordonə be votəşe.
Prokurori de Elxan Əliyevi bə ico muhakimə bə Vəfadar Axundovi 6 sor, Yusif Əliyevi 6 sor 6 manq ozodətiku məhrum karde piəşe.

Məhkəmə proses apreli 1-də istə koy dəvom bəka.