Biləsıvo rayoni Aşağı Curəli di əjiyon kaştə sahon ov doe zındənin. Bın barədə di əjiyon xəbəşon pevolo kardə. De çəvon votəy, əgəm sahon ov doe nıznon qandım inən cəvə sahon məhv bəben.

“Oxonə səfər ponə sori bın sahonmon ov doə. Ov peydo karde zındənimon. Bə aidiyyətinə onemonon vey ovardəmon. Bə taxıli ehtiyoc be qorə, ımsor ımmon kaşte. Əmmo kaştəyonmon məhv bedə ”.- divojon nıvıştedən.

İm hələ əvəsore. Joğo dəvom bıko, tovostoni hiç bo peşome ov peydo karde əzınin. Turkiyədə çe ruon səpe bəndon ejənə bə peş Azərbaycani vey reqiononədə ovi problem bə miyon beşə. Çimi navədə ovi okırie mığoni penə rayonədən bə yolə etirozi səbəb bəbe. Ə etirozon de polisi zu hıtvoneşon zıne.