Ostoroədə Ozobiconi marzi ləşkəri zabiton aradə dı – se ruj çımi bə nav eqıniyə daveyədə ojqəvoni kardə ostoroj Həsənov Vuqar İlqari zoə sımbıdukə kardə bıə. De vindəkəson doə rımuzi Ostoro Ramilə şoy- voy kardə roti vədə Ozobiconi marzi hovozi kəşə ləşkəri zabiton aradə dave eqıniyə. Ostoro komruki ğolloğvonətiədə ko kardə tolış Həsənov Vuqar İlqari zoə bo əvonış ojqəvoni kardəşe. Jıqo ko bə yerazon xoş oməni, binim əvon Ostoro marzədə ləşkəri dılədə hovozəti kardən.

Əve de ıştə dı xonəxoşonən peqətə şən bə komruk , əyo Vuqari koy vırədə əvışon şınqəvat kardəşone. Vuqar Həsənovi andomədə sərostə vırə mandəni. Əvışon bə komruki hospitalışon vırəbəvırə kardəşone. Isət Ostoroədə dey Ostoro İcra sərdor Ğəzənfər Ağayevən bə dastpoçəy ki, ım ko çoknəy bıhıt vono. Tolışon hələən bı kujon odəm bey bovə kardən. Çanəndə tolışi ıştə dəvlətmədoratiş onəşni, ımon hejo de çe əmə milləti jıqo bədsulukəti bakan. Xıdo bə çe əmə milləti koməq bıbo!

TolishMedia