Fevralə mangi 11-ədə Sumgayıt şəhərədə Ozobiconi Milliə Cəbhə mıxolifə partiyə 5 gilə uzvon həbs kardə bən. Əvon Sumgayıti məhkəmə bina vədə həbs kardəşone. Əyo çı partiyə Şamaxı şəhəri şobə rəis Zahir Məmmədli şikat mızokirə kardə bedə be. Əv çımiku bə nav bə 30 sutkəninə zindonə cəzo məhkum kardə bə.

Çı partiyə fəolon Elnur Həsənov, Elvin Məqsudlu, Mahir Rustəmli, Hidayət Rəsulzadə iyən Elman Atayev bə Sumgayıti polisi şobə bardə bən. Sıvoy çımi Zahir Məmmədli şikat təmin kardə nıbe. Bə yod dəğanədmon ki, Zahir Məmmədli fevralə mangi 5-ədə Şamaxıədə həbs kardə bə iyən bə 30 sutkəninə zindonə cəzo məhkum kardə bə.

Bə Ozobiconi Milliə Cəbhə Partiyə məlumoton əsosi, əncəx yanvarə mangədə 30 gılə partiyə fəolon həbs kardə bən, eyni ğədər uzvonən cəymə kardə bən.