Ozobiconi tosə 2023-nə sori de “Formula 1” ıştə əməgdoşəti dıroz kardəşe
Fevralə mangi 5-nə rujədə Ozobiconi iyən “Formula 1” şirkəti de 3 sori əməgdoşəti dıroz karde barədə mığovilə dəbastaşone. Im sənəd çı Ozobiconi vərzeşi vəzir Azad Rəhimovi iyən “Formula 1” şirkati sər rəis Çeyz Kerri ğol kəşəşone. De ım mığovilə dəbaste əlağədar mətbuotə konfransədə Azad Rəhimovi bə jurnaliston parsi cəvobədə votışe ki, ımsornə musabiğatədə ozobiconıjə pilot iştirak nibəkarde.
ParsToday informasiyə əgentəti eksperton ımi həxədə ğeyd kardedən ki, dinyo hətto ərbobə məmləkəton ım musabiğati boştə devlətə budcə bədxarciəti hisob kardedən. Məsələn, 2016-minə sori Almaniya, 2017-minə sori Yolə Britaniya de ım hənəki təşkilatkaron tojə mığovilə dəbasteku imtino kardəşonbe. Maliyyə məsrəfi vey be, iyən bə budcə mənfəət nıvarde bımi əsasə səbəb nişon doəşon be.
Comments