Ozobicon bə Ğərəboği şə jurnaliston “siyo siyohiədə” daxil kardeku bəpe dast bıkəşo. Çımi həxədə “Bemarzinə reportyoron” beynəlxəlğə təşkiloti Şərği Avropə iyən Miyonə Asiyə şobə rəis Yohan Biri çı Fransə xarici koon vəzorəti tərəfiku təşkil kardə bıə mətbuotə konfransi vaxtədə elonış kardə.

“Siyo siyohi” iyən urusə bloger Aleksander Lapşini barədə sıvoli cəbobədə çım beynəlxəlğə təşkiloti nımoyəndə ğəbul kardəşe ki, ım vəzyət ğeyri-normale. Çı şobə rəisi ğeyd kardəşe: “Əmə çandə kərə çımi zidd sıxan votəmone, bə Boku hokuməti təklif doəmone ki, “siyo siyohi” praktikəku dast bıkəşon. Bo KIV-onədə hodisəon ruşin karde ro bə mıbohisə kardə məntəğəon şe vey mıhume”.