Çı mominon huğuğon mıdofiə komitə həmsədron Rovşən Əhmədli iyən Eldəniz Guliyevi fevralə mangi 16-nə rujədə Ğobustani zindonışon osə ğandə. Əvon de “Mısılmonon İbemonə Hərəkəti” rəis Tale Bağırzodə, ım təşkiloti fəol Cabbar Cabbarovi iyən çı Ozobiconi İslamə Partiyə rəis Movsum Səmədovi vindemon kardəşone.

Rovşən Əhmədli bə Turan informasiya agentəti xəbə doəşe ki, de har gılə məhbusi de vəkilon iştiroki  vindemonon otağədə co gılə vindemon dəvoniə bıə.

Tale Bağırzodə çı komitə həmsədron, Demokartikə Ğıvvon Milliə Şurə rəison iyən ıştə həzo-həzo tərəfdoron  xahişış bə hisob sə iyən bə ğəror omə məhkumə mominon huğuğon dəgordınie zidd 16-rujnə ənəhardə aksiyə ogəte.

Bə Əhmədli sıxanon əsosi həmməy 3 gılə məhbuson rufi cigəmandəti iyən nikbinəti ogətedən iyən bə ıştə həmməy tərəfdoron bo mənəvi dastəki mınnətdorin.