Ozobiconədə təklif kardəşone hamsiyə məmləkəton rədiodoyemoni pebırnie
Lozime ki, Ozobiconədə hamsiyə məmləkəton rədiodoyemoni pebırnie məsələ mıvofiğə strukturon navədə rost kardə bıbu. Bə Trend informasiyə agentəti xəbon əsosi, çımi həxədə Milli Məclisədə çı çapi şurə sədr, deputat Əflatun Amaşovi elon kardəşe.
Bə çəy sıxanon əsosi, vaxtı ki bə Hacığabul rəsedəş İroni rədioon dalğəon ozobiconə rədiodalğəon zəif kardedən, çı Ağsu dizi neziədə bə erməniə rədiokanalon bəbe guş doe, Gəncə şəhəriku beşeədə əncəx bə gırci rədio guş doe mımkune.
Deputati ğeyd kardəşe ki ğənunədəti bəpe dəgiş kardə bıbu iyən çı məmləkəti informasiyə məkoni marzonən bəpe mıdofiə kardə bıbun.
Comments