TolishMedia muxbir xəbə dodə ki, martə manqi 21-ədə Boku “Bahar” şodkonə zaladə “Azərbaycani Kurdon” ictimai ibemon Nəvuzə İd dəvoniəşe. Bə Nəvuzə idi tolışonən dəvət kardə bən. Jıqo ki, çı Boku multikulturalə mərkəzi koəkə, tolışə zıvonə “Dodo” rujnomə sərredaktor İradə Məlikova, Respublika Tolışi Mədəniyyətə Mərkəzi sədr, “Tolışon Sədo” rujnomə sərredaktor Rafiq Cəlilov, iyən çı Tolışi Mədəniyyətə Mərkəzi co uzvon dəvət kardə bən və əvon həminə tədbirədə şirkət kardəşone.

Çı tədbiri sıftədə “Azərbaycani Kurdon” ictimai ibemoni sədr, kurdi zıvonədə beşə “Diplomat” rujnomə sərredaktor Tahir Sileman bə İradə Məlikova, iyən bə Rafiq Cəlilovi sıxan doəşe. Peş təbrikon məclisi iştirakəkon de Əli Nasiri “Qiləvo” mahne ahənqi bə raxskardəşone. Nəvuzə İdi tədbir de tosə şanqonə dəvom kardəşe.

Ve marağine ki, tədbirədə Kurdistani pərçəmən ejənəşonbe, əmmo hələ ki, çı Azərbaycani pantırkə sayton bı tədbiri, ələlxusus əyo Kurdistani pərçəmi ejəne həxədə ıştə mulahizon nıvıştəşon ni.