Imruj Ozobiconədə həməkəs 22 (vistıdı) sornəni ozobiconıjə cıvon Subhan Məmmədli 1 millyon avro ğərolədə molyətış bıə, bə dızdi doə dastə saati barədə qəp jəydən. Subhan Məmmədli Ozobiconi Dəvləri Roy Poli Aqentəti sərdor Saleh Məmmədovi zoəy. Jıqo qılə məmuri zoə ıştə dastisə novniyə saati 1 milyon avro molyətış heste, hələ sovı bımiyən əy ım saatış bə dızdiş doə.

Çımi vədən hiç mu qenc kardəni. Parse çok əbi, əy anəndə pulış çe konco vardəşe ki, jıqo saati bo ıştəno hıridə? Oxo çəy pıə har manqnəni mıjdi bo jıqo bohoynə çi hıriey bəy qirəvə dodəni. Yaən ım 22 sornəni cıvon Avropadə de kom savdıkorəti ğale ki, bo ıştə jıqo bohoynə saat hıri zınedə?. Sıxan ni, iyo har çi çəşvində koy. Pulxorəti dılədə detobə xırtəçolə dəqınyə Ozobicon nomədə pesoxtə keşvəri məmuron iyən çe əvon fərzəndon iyo jiyə şəhərvandon xuni peşomedən. Im korrupsiyonereon nə Xıdoku tarsedən, nəən bəndəku. Çanəndə çımon tobyə həjəmə hukmət dəvləti sədə nıştə, əmə jıqo çiyon ve bəvindemon.

Çımon nə həyoşon heste, nə hurmət. Xıdo bə çəmə xəlği de əvon canq kardero zu bıdo. Əmə ıştə dəvlətmədorati onınəmon,sipyə ruj vinde əzınimon. Sərostə ro iqləy. Tolış bəpe ıştə dəvlətmədorəti bərpo bıkə.

Xıdo bə tolışi bı roədə ovand bıdo. Amin!

Lankon – Boku.

Sərdor Bunyadov.