Ozobiconi sərmıxolifətəvon, AXCP sərdor Əli Kərimli ımruj, iunə manqi 28 – də Ozobiconi polison dastqirışon kardə. Əli Kərimli AXCP bə miyon beşə rujiku çəy əhəşonədə qıləy bıə. Isətən çandi – çand sorone AXCP sərdore. Ozobiconədə AXCP bə dı vəslə co kardəşone. Klasik AXCP sərdor pesoxtə səyd, çoxol əsılış Vərqədizıj ( Yardımlu) Mirmahmud Fəttayeve. Əli Kərikmi ıştəni sərisofə AXCP sərdor zınedə.

Çəy dumo şə odəmonən de Mirmahmud Fəttayevi tavutədə veyin. Bə şımə vir əyən dəğandəmon ki, Əli Kərimli çand sore Ozobiconi hukməti daşti pasport doə dastqoku ıştə daşti pasporti səy zındəni. Əli Kərimli hejo jəğonəyən Ozobicon nomədə yolə dastqirxonədə bənəy dastqiri jidəbe. Isət həni əvışon yolə dastqirxonədə bə qədə dastqixonəşon ovaştonişone. Əy dastqir kardə onemonon çəy kom qıno xıvand bey barədə hələ hiç qılə rımuz dodənin.

Xıdo çəy kəybon oj bıko. Amin!