Çı Əliyevon xıyzon Ozobiconədə 1960-nə soronku hıkmrone. 2003-nə sorədə çəvon tənxo hosə-hosə yol bedəne iyən bə 500 milyon dolari rəse. Im ə vaxtədə be ki, Ozobicon çı dınyo ən kosibə məmləkəton gıləyni be. 2003-nə sorədə çı əholi kosibəti səviyyə 45%-sə vey be, çı Əliyevon iyən Paşayevon tənxo rujbəruj yol bedəbe. Prezident be bəpeştə İlham Əliyevi çı məmləkəti nati iyən banki resurson həmmə ıştə dastədə gırdəş karde iyən hosilotonış bə Panama iyən co kişvəron ofşoronədə noe.

2015-nə sorədə almanə Süddeutsche Zeitung rujnomə “Mossack Fonseca”-ku 11.5 milyon məxfiə sənədon gətışe, ki Əliyevon klani yolə maliyə çəplusətiədə iştirok karde fakti sıbut kardışone. Im Ozobiconədəən ajiotaji səbəb be, əmma de jurnaliston iyən huğuğə mıdofiəkoron həbson vositə sə be.

Çı İlham Əliyevi kinəon çand gılə bankon iyən ejemonə şirkətonışon heste bənə Ata Holding, Pasha bank, Atabank, Xalqbank, Bank Silkway, Kapital bank, Azenco, Azerbaijan Global Investments ki çəvon aktivon 5 mikyard dolarisə veye. Sıvoy çımi mədənə sənoyeən çı İlham Əliyevi kinəon dastədəy, əvon adiə şəhrvandon istismor kardedən iyən rə-rə çı odəmon vey gədəliə maaşonən doedənin. Çı Əliyevi əğılon maliyə piramidə səpe 23-sornə Heydər Əliyeve.

Əliyevon xıyzoni soxtə məxfiə fond 3 milyard dolar xarc kardışe bo çand gılə avropavıjə siyosiə xodimon de rışvə bəştə tərəf okırnie ro․

Təxmin kardə bedə ki, jıgo dıjdə tənxo gırdə kardə məmləkəti prezidenti bəpe dınyoədə ən ğıvvəynə iyən cangə sərıştəş bıə ləşğərış bıbu, əmma Ğərəboği cang vey çok nişoş doe ki, çı Əliyevon klani ləşğəri həmmə pulonən poymolış kardə.

Çı Boku diktator İlham Əliyevi prezident be bəpeştə vey səfə elon kardəşe ki, Heydər Əliyevi prezidentəti vaxtədə, 1990 soronədə ermənion tərəfo gətım kardə bə Ğərəboği iyən co zəminon obəgordıne. Diə məkəmon ki, dı məmləkəton arədə hejo sərhədi dırozi daveon bedəbin, Ğərəboği iyən Ozobiconi arədə yolə cang sentyabri 27-ədə bino be. Cangi vaxtədə Ozobiconi de koməgi xahişi bə Tırkiyə iyən İsraili mırociət kardışe. Tırkiyə cangədə iştirok karde xoto Suriya iyən Liviyəku teroriston bə Ozobicon vığandəşe, İsrailən ən tojə silohon, bepilotə təyyarəon doedə, sıvoy çımi hərbiə mıtəxəssison iyən mışoviron bə Boku vığandedə.

Im fakton vey çok nişo doedən ki, bo ləşğəri co kardə bıə həmməy pulonən bə Əliyevi xıyzoni cifon daxil bedən, hərbiə əməliyoton boən adi ozobiconıjon iyən bumiə xəlğon giy səpe mandedə, çumçıko çəvon ağılon cangədə həlok bedən.

Çı cəbhə iminə xəttiku omə xəbəonən dardmandin. Jıgo gılə dırozdəkəşə mıddətədə Ozobicon detobə ısət ğalib ome zınedəni iyən sərhədədə hiç gılə progresış ni. Əncəx Əliyev isror kardedə ki, çamd gılə dion gətımış kardə, əmma ım sıxanon sıbut kardə fakton nin.

Həğiğətədə, İlham Əliyev çı ləşğəri həmmə pulon hardəşe iyən məhv kardəşe iyən ıştə xəlğış bovə kardovniə ki, dınyoədə həmməysə zumandə ləşğərış heste, əmma cangədə Ozobiconi ləşğəri beovandəti sıbut kardedə ki, ım gıləy yolə duy. Cangi nəticədə Ozobiconi yolə şəhəron iyən dion məhv kardə bən, həzo-həzo odəmon həlok bən, kişvərədə sosialə-iğtisodiə vəzyət vey gone, bə koronavirusi mıbtəlo bə kəson ədəd yol bə iyən de ımi bə ico cangədə Ozobicon bə bə çəşi gıniə nəticəon rəsəni.

Çımi igləliə gınokor iyən cəvobdo Boku diktatore de ıştə jen Mehriban Əliyeva, ki çı məmləkəti həmmə tənxo gətım kardəşone iyən ısət de ım cangi vositə cəhd kardedən kişvəri rıjiyey fakti bə təmizi bekarde.