Liki rayoni Kekoni iyən Sors nomədə dıqlə diy əjiyon bə Ozobiconi prezidenti ovardəşone. Çı dıqlə diy əjiyon ıştə ovardemonədə ıştə diyon kaşiyonku nıvıştəşone, pidəşone ki, Ozobiconi prezident çəvon işqilon olığno. Ovardenoni navədə əvon bə İ.

Əliyevi xəyli tarif doydən, çəyoın bino kardən nıvışte çe bıznom çəmə diədə ro ni, ğaz vəşedəni, ruşnə hakanəy sutedə, hakanəy sutedəni, mılxəs əmə ve bevəc jidəmon , jıqo bızon ibtidai icma jimoni vaxte. De həyfi ki, vey Tolışon hələn jıqo zındən Ozobicon iyən çe əy yolon tolışon ıştə şəhərvand zındən, çe əvon ovc beyışon pidə.

Çəmə tolışon kəynə bəsə dəbəşen ki, çe əmə qırd ğırı – ğətlun bey çe əvon dıli qırd sərnocəy. Əve əmə çanəndə bə əvon ovəmon, ım əvoni tikəyən ıştəku bekardə bə əmə bənəy deşmeni diə kardən. Tolışon bəpe ıştən bo ıştə çokə jimoniro hımıcım bıkən.

Im kujon Likədə Rovşən Bağırov, Lankonədə Taleh Qaraşov , Ostorədə Ğəzənfər Ağayev iyən Tolışstoni co rayonondə co kujon bo çəmə xuni peşome omən. Şımə məfamənən ki, ımruj çımonədə i kəsışon bekardə çəy vırədə omə nuə kuj bo şımə qıləy ruj bəməme.

Ney , ımon həmə iyəndı toon. Çəmə perəxe iqlə rooş heste, əvən çe əmə səbəsojəti, çe əmə dəvlətmədorətiey. Xıdo bə əmə koməq bıbo. Bıji Tolışston!

Lik–Kekoni–Sors.

Sərdor Bunyadov.