De TolishMedia aqentəti doə rımuzi riyə Dəvləti Xətoqordoniyə Vəzirəti Ostoro xonə sərdor polkovnik Elxan Alışovışon de cinoyəti məcəllə 311 – nə maddə (rışvə səy) qınokar zıneyro dastqir kardəşone. De əçəy cinoyəti koy anqıl təyğəton bə sə qınieyro, çe əy ko bə Cəlilabadi məhkəmə vığandəşone. Çoknəy vindəmon bə çəy ko Cəlilabadi rayoni Ləşkərəvonəti Məhkəmə diə bakay, əy de cinoyəto koy anqıl tambe bakay.

Məhkəmədə çı koy bardə sərdorəti kardə məhkəmə nomışon Vuqar Əhmədov bey cərışon kardə. Sovı Elxan Alışovi 2 xonəxoən qınokor zınə bedə. De çəmə omutə xəbə, məvuji Elxan Alışov kamişi çımi bə nav bə təqaud beşerey ovardi ərizəş nıvıştəşebən. Çe DXV de əjiyon tasıbi koysə sərdor Arif Babayevi, Elxan Alışovi dastqir karde xəbəş bə həşə jəşe. De çəy votəy : “DXV” hiç qılə rayoni xonə sərdor dastqir kaşonni.

Odəm ıştən bı çıvon kujəti hədəyon mandə. Bı pesoxtə keşvərədə qırd yolə rışvəxor İlham Əliyev bey holədə, ım nənəmardə Ostoro xonə sərdor çiçonəy? Jıqo beşedə ki, “Aspi hi harde, həy dumışon bırniey”?

Ostoro–Cəlilabad ( Həmoşəru).

Sərdor Bunyadov.