Cəmil Hacıyevi ko bo avqusti 14 mande
Lankonədə navkonəni Lankoni batalyoni sərdor binim ərəboğədə Ozobiconi roədə canqış kardə, Xolmili di əji Cəmil (Cəbrayıl) Hacıyevi məhkəmə ko bo avqustə manqi çorda haştə bey. Bə Cəmil Hacıyevi şər ğandən, dılışone dı roy əy bə zindon dəğandon. Lankoni Xolmili diə əji Qorxmaz Hacıyev nomədə qıləy çoğolə odəm bə çəy dim mandə.
Qorxmaz nomədə ım odəmi Lankonədə vey kəonış ğandə, ısətən nubə məvuji bə Cəmil Hacıyevi rəsə. Əve əmə həmə Tolışstoni ğıryətmandə fərzəndon bə Cəmil Hacıyevi dastək doy vanq kardəmon. Avqustə manqi çordədə həmə tolışon bə Lankoni məhkəmə və qırdə bıbon, ım mırdolə hukmət çe əmə zuy bəpe bızıno. Əmənən ıştə tono həmə beynəlxəlğə onemonon xəbədo bakardemon. Xıdo bə Cəmil Hacıyevi koməq bıbu, Xıdo həmə dustonku rozi bımando.
TolishMedia
Comments